Эдварда
Кнут Гамсуннинг «Эдварда» асари билан ўзбек китобхони илк
бора танишмоқда. Айтиш жоизки, инсон қалбини тўлқинлантирадиган,
барча шодликлару ғам-қайғулар жо бўлган бизнинг яширин маконимиз –
кўнглимиз билан сирлашишга имкон берадиган бундай асарлар адабиётда
бармоқ билан санарли. «Эдварда» бизнинг қалбимизга шуниси билан яқин.
Ушбу асарни айнан шоир-таржимон ўгиргани ҳам бежиз эмас. Асардаги
ҳар бир қаҳрамон ҳолати, унинг шодлигию қайғуси, изтиробию аламларини,
қалбидан кечаётган майда азобларигача бирга туйамиз. Худдики,
у бизга бегона эмасдек. Баайни… биз уларнинг ўзига айланамиз...