Zo‘raki muttaham yoki to‘rtinchi umurtqa

Fin yozuvchisi va jurnalisti Martti Larnining «Zo‘raki muttaham yoki to‘rtinchi umurtqa» romani 1957-yilda bosilib chiqdi va hozirga qadar Finlyandiyada bir necha bor nashr etildi. Romandagi voqealar muallif urushdan keyin borib ko‘rgan Amerika Qo‘shma Shtatlarida sodir bo‘ladi. Biroq, Larni amerikacha voqelikni har tomonlama batafsil yoritib berishga intilmaydi. «Zo‘raki muttaham yoki to‘rtinchi umurtqa» – amerikacha «hayot kechirish»ning ba’zi tomonlarini o‘tkir satira tig‘iga oladi; yozuvchi asosan mubolag‘a va karikaturaga murojaat qilib, hozirgi, bizning kunlardagi Amerika aхloqini tasvirlaydi.